雖然法羅群島因氣候問題種唔出咩農作物，但係一般家庭都會喺屋企種d盆栽裝飾下家居。之前大地之子有個同事畀左三種唔同的辣椒種子佢，於是佢就開始左種辣椒。種左大概五個月，三棵辣椒都出左果實。其中一棵叫做Madame Jeanette，係黎自南美國家蘇里南。係三棵辣椒裡面最辣嘅。到底有幾辣？相信大家有試過指天椒，呢種辣椒係指天辣3-7倍咁辣！
大地之子一直聲稱自己好食得辣，但話說有一次我地去食譚仔，佢叫左三小辣，我叫左番茄湯。佢食左一啖之後面色一沉，即刻叫左杯凍檸茶，之後開始冒汗，但係大地之子係非常愛面子的人，佢一定唔會承認自己食唔到，於是我就話：「其實我想食辣湯多d，不如交換食下。」於是佢就默默地將我成碗番茄湯底食晒😂
而今日！我地決定要試下呢隻比指天椒辣七倍的Madame Jeanette。到底咁要面的大地之子會點樣優雅地試呢隻辣到噴火的辣椒呢？（我喺佢試之前試左，呢隻辣椒一放入口甜甜地，但過左三秒條舌頭好似被火燒咁，勁痛。大概會持續十分鐘，重點我只係試左一小片得一粒子的辣椒。所以大家喺條片會不斷聽到我shi shi shi因為仲辣緊😂）請去片。
而試完辣椒之後發生左一段小插曲，夜晚我地突然聽到大子之子的細佬放聲大哭，喊到間屋震晒。原來話說我地就咁放左d辣椒喺廚房，佢好奇用手掂左d辣椒，係掂ja!無食！之後佢就去玩lego然後佢用lego 掂塊面，之後個嘴又紅又腫😱佢話好痛，可能因為小朋友塊面比較嫩，亦證明呢隻辣椒幾咁勁！大家食完辣椒唔好亂咁放啦！仲有！邊個有興趣種可以問我攞種子😏
---------------------------------------------------
想睇更多法羅群島靚相？
請follow ig: whereisfaroeislands
https://www.instagram.com/whereisfaroeislands/
Search